"Бавария" ярим ҳимоячиси Жошуа Киммих клубнинг янги шартнома таклифига ҳали жавоб бермади. 29 ёшли футболчининг амалдаги шартномаси жорий мавсум охирида якунига етади.
Мюнхенликлар раҳбарияти муҳим футболчи билан тезроқ янги шартнома тузмоқчи, аммо у жавоб беришга шошилмаяпти. Sky Sport хабарига кўра, германиялик ярим ҳимоячи ўз келажаги борасида якуний қарор қабул қилишдан аввал Англия Премьер-лигаси ва "Барселона" вакилларининг таклифларини тинглаш ниятида.
Киммих "Бавария"да 2015 йилнинг ёзидан бери ўйнаб келмоқда. Футболчи мюнхенликлар сафида 400 дан ортиқ ўйин ўтказган.
