Франкфуртнинг "Айнтрахт" клуби ҳужумчиси Омар Мармуш тез орада "Манчестер Сити" футболчисига айланади.
Журналист Фабрицио Романонинг сўзларига кўра, клублар ўртасидаги музокаралар жадаллик билан кетмоқда, томонлар келаси ҳафтадаёқ келишувга эришишга умид қилишмоқда. "Манчестер Сити" аллақачон Мармуш билан шахсий шартнома шартларини келишиб олган. Инглиз клуби бош мураббийи Хосеп Гвардиола Мармушни "Атлетико Мадрид"га кўчиб ўтган Хулиан Альвареснинг ўрнига идеал ўринбосар деб ҳисоблайди.
25 ёшли мисрлик Бундеслиганинг жорий мавсумида "Айнтрахт" сафида 15 та ўйин ўтказиб, 13 та гол урди ва 8 та голли узатмани амалга оширди.













