"Барселона" ҳужумчиси Роберт Левандовски иқтидорли вингер Ламин Ямални футбол оламининг шафқатсизлиги ҳақида огоҳлантирди.
"Албатта, Ямал келажакда "Олтин тўп"ни қўлга киритиши мумкин. Ишончим комилки, у дунёнинг энг яхши футболчиларидан бири бўлади, унинг келажаги буюк. У эндигина 17 ёшда, лекин 25-26 ёшлидек ўйнайди. У ёшларга ўхшамайди.
Умид қиламанки, атрофдагилар Ямалга ёрдам бера оладилар. Футбол баъзида шафқатсиз ва у бунга тайёр бўлиши керак. Ишончим комилки, Ламин тўғри йўлда. Аммо кейинги йилларда унинг ерга тушиши муҳим. Истеъдод сизга карьерангизнинг бошида ёрдам беради, аммо кейинчалик юқорида қолиш учун сизга тўғри менталитет керак", деди Левандовски.
