Ҳимоячи Кайл Уокер “Манчестер Сити”ни тарк этиб, бошқа давлатдаги жамоага ўтмоқчи. Бу ҳақда "шаҳарликлар" бош мураббийи Хосеп Гвардиола айтиб ўтди.
Сўнгги кунларда 34 ёшли Уокернинг "Милан"га ўтиши мумкинлиги ҳақида кўплаб маълумотлар пайдо бўлди. Бироқ А Сериянинг яна бир топ-клуби "Интер" тажрибали англияликни ўз сафига қўшиб олмоқчи.
The Sun нашри хабарига кўра, "Интер" Уокерни "Манчестер Сити"дан ижарага олиш имкониятини кўриб чиқмоқда. Кайл Уокернинг сўнгги йиллардаги Англия чемпиони билан амалдаги шартномаси 2026 йилнинг ўрталарига қадар тузилган.
