Премьер-лигага қайтганидан бери "Лестер" турнир жадвалининг сўнгги ўринларини эгаллаб, муваффақиятли ўйинлари билан мақтана олмади. "Тулкилар" Англия чемпионатида қолиш учун таркибни кучайтиришлари керак.
Sky Sports хабарига кўра, "Лестер" "Парма"дан Войо Кулибалини сотиб олишга яқин турибди. Битим доираси принципиал жиҳатдан келишиб олинди ва музокаралар илғор босқичда.
Войо Кулибали жорий мавсумда 19 та ўйинда майдонга тушиб, 2 та гол урди ва битта голли узатмани амалга оширди.













