Журналист Экрем Конурнинг ёзишича, Лондоннинг “Арсенал” клуби Букайо Сака ва Габриэль Жезуснинг жиддий жароҳатлари ва Кай Хаверцнинг ёмон ўйин кўрсатаётгани сабаб, яқин вақт ичида янги ҳужумчи билан шартнома имзоламоқчи.

Клубнинг асосий мақсади "Брентфорд" вингери Браян Мбеумо. Маълум бўлишича, "канонирлар" раҳбарияти 25 ёшли камерунлик футболчининг январ ойида майдонга тушиши борасида суриштирув олиб борган. Бироқ, келаси ёзда унинг трансфери реалроқ бўлиши мумкинлигига ишонилади. Нуфузли Transfermarkt портали унинг нархини 50 миллион еврога баҳоламоқда.

Браян Мбеумо жорий мавсумда клуби сафида Премьер-лигада 20 та ўйинда майдонга тушиб, 13 та гол урди ва 3 та голли узатмани амалга оширди.