Хвича Кварацхелия "ПСЖ"га ўтишга яқин турибди.
ESPN хабарига кўра, парижликлар бугун "Наполи" билан учрашиб, келишувни ёпиши кутилмоқда.
Трансфер нархи 60-65 миллион еврони ташкил қилиши мумкин. Ушбу босқичда "ПСЖ"нинг бирорта ўйинчиси шартноманинг бир қисми бўлиши кутилмаяпти, Милан Шкриньяр ва Рандал Коло-Муани иккаласи ҳам "Наполи"дан бошқа вариантларни кўриб чиқмоқда.
Маълумки, Кварацхелия "ПСЖ" билан 5 йиллик шартнома бўйича шахсий шартларда келишиб олган.
Жорий мавсумда вингер А Серияда 17 та ўйинда майдонга тушиб, 5 та гол урди ва 3 та голли узатмани амалга оширди.
