Рональд Араухонинг жамоадошлари ундан кетиш ҳақидаги қарорини қайта кўриб чиқишни сўрамоқда. Турли манбаларга кўра, уругвайлик футболчини "Ювентус"га ўтиш эҳтимоли ўзига тортмоқда.
Турин клуби 25 ёшли футболчини қишки трансфер ойнасида қўлга киритишга тайёр, бироқ ҳозирча "Барселона" билан келишувга эришгани йўқ. Diario AS хабарига кўра, Араухонинг жамоадошлари биринчи бўлиб ундан қолишни сўрашган.
Испания Суперкубогида "Реал Мадрид" устидан қозонилган 5:2 ҳисобидаги ғалабадан сўнг дарҳол Роберт Левандовски ва Гави марказий ҳимоячи билан гаплашган. Рональд Араухонинг "Барселона" билан шартномаси 2026 йилнинг ўрталарига қадар амал қилади.
