"Барселона" спорт директори Деку "кўк-анорранглилар" ҳимоячиси Рональд Араухонни қишки трансфер ойнасида жамоани тарк этмасликка чақирмоқда. Футболчига 2026 йилда тугайдиган шартномасини узайтириш таклиф қилинган. Бу ҳақда Испаниянинг Mundo Deportivo интернет нашри хабар берди.

Эслатиб ўтамиз, аввалроқ Араухо Туриннинг "Ювентус" клубига ўтишга яқин тургани ҳақида маълумот пайдо бўлганди. Қайд этилишича, италияликлар "Барселона" Рональд учун талаб қилаётган 50 миллион еврони тўлашга тайёр.

Араухо каталонияликларнинг шартномани узайтириш бўйича бир нечта таклифларини рад этди. Жорий мавсумда Араухо Испания кубоги доирасидаги битта ўйинда майдонга тушиб, ўйинда голли узатмани амалга оширди. Transfermarkt интернет порталига кўра, футболчининг тахминий баҳоси 55 миллион еврони ташкил қилади.