Мюнхеннинг "Бавария" клуби Дортмунднинг "Боруссия" клуби вингери Жейми Бано-Гиттенсни сотиб олиш устида иш бошлади.

Мюнхен клубининг 20 ёшли футболчига қизиқиши ўтган йилнинг охирида маълум бўлганди. Bild хабарига кўра, "Бавария" аллақачон истиқболли инглизнинг атрофидагилар билан боғланган. "Боруссия" Бано-Гиттенсни 100 миллион еврога баҳоламоқда, аммо мюнхенликлар бундай суммани тўламоқчи эмас. Агар жорий мавсум якунида жамоа Чемпионлар лигасига йўлланмани қўлга кирита олмаса, "асаларилар" футболчининг нархини пасайтириши керак бўлади.

Манбанинг қайд этишича, ўсиб бораётган юлдузга Англия Премьер-лигаси вакиллари ҳам қарашмоқда. "Бавария" футболчини Лерой Саненинг ўрнини босувчи футболчи сифатида кўрмоқда.