Жума куни ҳужумчи Эрлинг Холанд "Манчестер Сити" билан шартномасини 2034 йилнинг ўрталарига қадар узайтиргани маълум бўлди.
Британия матбуоти янги меҳнат шартномасига кўра, Холанднинг ҳафталик маоши 500 минг фунт бўлишини ёзмоқда. Миқдор ақл бовар қилмайдиган, аммо сайёрадаги энг кўп маош олувчи ўйинчилар рўйхатида норвегиялик ҳаттоки кучли бешликка ҳам кирмайди.
ТalkSPORT тақдим этган рейтингда Холанд ўзининг янги маоши билан еттинчи ўринни эгаллади. Холанддан юқорироқда Риёд Маҳрез (ҳафтасига 580 минг фунт), Садио Мане (650 минг фунт), Лионель Месси (865 минг фунт), Карим Бензема (1,6 миллион фунт), Неймар (2,65 миллион фунт) ва Криштиану Роналду (3,2 миллион фунт стерлинг) юқори ўринларни эгаллаб турибди.
