Янги мавсум учун тараддуд кўраётган "Андижон" жамоасининг селекциядаги ишлари ҳам изчил давом эттирилмоқда.
Таркибни янада кучайтириш мақсадида черногориялик тажрибали ҳимоячи Миомир Журичкович билан шартнома имзоланди.
Маълумот учун, ушбу футболчи 1997 йилнинг 26 июль санасида Подгорицада таваллуд топган. Фаолияти давомида Франциянинг "Шолет", Черногориянинг "Рудар", "Искра", "ОФК", "Будучност Подгорица" ҳамда Босния ва Герсеговинанинг "Сараэво" клубларида тўп сурган.
Футболчи 2023 йилнинг 4 сентябрь куни айнан "Сараэво" клубига ўтган ва шу кунгача унинг охирги клуби ҳисобланади.
Журичкович фаолияти мобайнида жами 252 та ўйинда майдонга тушиб, 10 тадан гол урган ва голли пасни узатган.
Шунингдек, у "Будучност Подгорица" икки мартадан чемпионлик ҳамда Кубокни қўлга киритган.
