"Бавария" дарвозабони Даниэль Перец фаолиятини Францияда давом эттириши мумкин. Машҳур журналист Флориан Плеттенбергнинг ижтимоий тармоқларда хабар беришича, "Ланс" қишки трансфер ойнаси ёпилгунга қадар 24 ёшли Перец билан шартнома имзоламоқчи. Француз клуби аллақачон "Бавария"га расмий таклиф билан чиққан. Айни пайтда Перец қолишни афзал кўрмоқда.
Даниэль Перец айни дамда буйраги билан боғлиқ муаммолар туфайли "Бавария" ўйинларида иштирок этолмаяпти. Дарвозабон 4-6 ҳафта ичида сафга қайтиши кутилмоқда.
Умуман олганда, Перец "Бавария" асосий таркибида еттита ўйин ўтказди ва у ўз дарвозасидан еттита гол ўтказиб юборди.
