"Наполи" А Серия турнир жадвалида пешқадамлик мавқеини мустаҳкамлади.
Антонио Конте шогирдлари 22-турда "Аталанта"ни меҳмонда мағлуб этишди (3:2).
Бу унинг қаторасига олтинчи ғалабаси. Бунгача улар "Верона", "Фиорентина", "Венеция", "Женоа" ва "Удинезе"ни мағлуб этишганди.
Неаполликлар ҳисобида 50 очко бор ва чемпионатда пешқадамлик қилмоқда. "Интер" эса иккита ўйин кам ўтказган ҳолда 6 очко ортда қолмоқда.
"Аталанта" ғалабасиз сериясини 5 та ўйинга етказди (4 та А Серияда). У 43 очко билан учинчи ўринда бормоқда.
Кучли тўртликни 37 очко билан "Ювентус" якунлаб турибди. Бир очко ортда қолаётган "Лацио" ундан ўзиб кетиши мумкин.
