Павел Фернандес Жюль Кунденинг йиқилишини пенальти белгилашга етарли эмас деб ҳисоблайди.
Кеча "Барселона" Испания чемпионатининг 20-турида "Хетафе" билан дуранг ўйнади (1:1).
Учрашувнинг 80-дақиқасида “Барселона” ҳимоячиси Жюль Кунде ва “Хетафе” ярим ҳимоячиси Кризантос Уче бурчак тўпи вақтида тўқнашиб кетишди.
Уче қўллари билан Кундени йиқитмоқчи бўлди. Учрашув бош ҳаками Пабло Гонсалес Фуертес воқеада қоидабузарлик йўқ деган қарорга келди.
“Француз футболчиси йиқилишга тайёр эди. Йиқилиш бундай енгил ҳаракатлардан сўнг амалга ошмайди.
Ҳодисанинг ўйинга бевосита алоқаси йўқлиги сабабли, ВАР бунга ортиқча эътибор қаратмади", деб ёзди собиқ ҳакам Фернандес ижтимоий тармоқда.
