"Реал Сосьедад" вингери Такефуса Кубо "Ливерпуль"га ўтиши мумкин.
Ушбу ёзда Муҳаммад Салоҳ "қизиллар" сафини тарк этиши мумкин - унинг шартномаси июнь ойида тугайди. "Transfer News Live" нашрининг "El Nacional" нашрига таяниб хабар беришича, "Ливерпуль" Кубони мисрлик юлдузнинг ўрнига узоқ муддатли ўринбосар сифатида кўрмоқда. Манбага кўра, инглиз гранди келишувга Харви Эллиотт, Федерико Кьеза ва Ватару Эндони киритишга тайёр.
"Transfermarkt" экспертлари Такефуса Кубонинг нархини 40 миллион еврога баҳоламоқда. 23 ёшли япониялик футболчи жорий мавсумда “Реал Сосьедад” сафида 26 та ўйинда майдонга тушиб, 5 та гол урди ва 3 та голли узатмани амалга оширди.













