"Тоттенхэм" бош мураббийи Анге Постекоглу жамоа мухлисларининг норозилигига жавоб қайтарди.
Якшанба куни "шпорлар" "Эвертон"га 3:2 ҳисобида мағлуб бўлди ва АПЛда кетма-кет учинчи мағлубиятга учради. Умуман олганда, лондонликлар Англия Премьер-лигаси доирасидаги сўнгги ўнта ўйиннинг фақат биттасида ғалаба қозонишган ва етти марта мағлуб бўлишган.
"Мухлислар вазиятдан хафа бўлишди. Улар бизни қўллаб-қувватлайдилар ва аксарият ҳолларда биз қандай вазиятда эканлигимизни тушунишади. Бизда ҳозир кўплаб ўйинчилар етишмаяпти (жароҳатлар туфайли), бу вазифани анча қийинлаштиради. Биз чиқиш йўлини топишимиз керак", деди австралиялик мутахассис.
"Тоттенхэм" 22-турдан кейин 24 очко билан турнир жадвалида 15-ўринда бормоқда.
