"Ал-Ҳилол" ҳужумчиси Неймар клубини ўзгартиришга яқин турибди.
Саудия Арабистони гранди энди бразилиялик юлдузни режаларига киритмаган - у миллий чемпионат мавсумининг иккинчи ярми учун таркибга киритилмади. Маълумки, 32 ёшли футболчини ўз сафига "Сантос" клуби қўшиб олишга қизиқмоқда. Журналист Бен Жейкобснинг сўзларига кўра, Неймар аллақачон ўз ватанига қайтишга рози бўлган. Ҳозирда олти ойлик ижара бўйича музокаралар олиб борилмоқда.
Неймар 2023 йилнинг ёзидан буён "Ал-Ҳилол" сафида тўп тепмоқда. Бразилиялик футболчи фаолиятини "Сантос"да бошлаган, шундан сўнг "Барселона"га ўтган.