"Манчестер Сити" бош мураббийи Пеп Гвардиола Кевин Де Брюйненинг сўнгги ўйинлардаги иштирокини юқори баҳолади.
Бельгиялик футболчи АПЛ доирасида "Ипсвич"га қарши ўйинда иккита голли узатмани амалга оширди ва баҳс "шаҳарликлар"нинг йирик ҳисобдаги ғалабаси (6:0) билан якунланди. 33 ёшли ярим ҳимоячи Англия чемпионатининг сўнгги учта ўйинида жамоадошларига 4 та голли узатмани амалга оширди.
"Сўнгги икки-уч ўйиндаги Кевинга қаранг - у энг яхши формасида!" – дея Гвардиоланинг сўзларини келтиради ВВС.













