FIDE 2025 йилдаги 2 та нуфузли мусобақа Ўзбекистонда ўтказилиши эълон қилди. "Grand Swiss" ва "Women’s Grand Swiss" турнирлари 3–15 сентябрь кунлари Самарқанд шаҳрида ўтказилади.
Нега айнан Ўзбекистон?
— Бой шахмат меросига эга кучли шахмат мамлакати.
— 2022 йилги Аёллар номзодлар турнири, 2023 йилги Рапид ва Блиц бўйича Жаҳон чемпионатлари ҳамда яқинлашиб келаётган 2026 йилги Шахмат олимпиадаси каби йирик тадбирлар мезбони.
— Яқинда бўлиб ўтган Шахмат олимпиадаларида олтин ва бронза медалларини қўлга киритган терма жамоалар ватани!
Асосий жиҳатлар:
— Ҳар бир мусобақанинг биринчи икки ўрин соҳиблари 2026 йилги Номзодлар турнирига тўғридан-тўғри йўлланма олади.
— Соврин жамғармаси камида 30%га оширилди!
Аввалги ғолиблар:
— Grand Swiss: Ван Ҳао (Хитой, 2019), Алиризо Фирузжа (Франция, 2021), Видит Гужрати Сантош (Ҳиндистон, 2023).
— Women’s Grand Swiss: Лэй Тинг Же (Хитой, 2021), Вайшали Рамешбабу (Ҳиндистон, 2023).
"Ўзбекистоннинг шахматни ривожлантиришга бўлган садоқати намунавий бўлиб, Самарқанд бу нуфузли тадбир учун идеал жой ҳисобланади. "Grand Swiss" ва "Women’s Grand Swiss" мусобақалари FIDE тақвимининг энг муҳим воқеаларидан бирига айланган ва биз яна бир бор Ўзбекистон билан ҳамкорлик қилиб, дунё даражасидаги мусобақани ўтказишдан фахрланамиз", — деди FIDE президенти Аркадий Дворкович.
Санани ёдда тутинг: 2025 йил 3–15 сентябрь!
