"Манчестер Юнайтед" чап қанот вингери Алехандро Гарначо тез орада Италиянинг "Наполи" клуби футболчисига айланиши мумкин. «Corriere dello Sport» бу ҳақда хабар берди.

Манба берган хабарга кўра, неаполликлар бош мураббийи Антонио Конте 20 ёшли аргентиналик футболчи билан телефон орқали шахсан суҳбатлашган. "Наполи" спорт директори Жованни Манна яқин орада "Манчестер Юнайтед" билан келишувни якунлаш учун учрашиши айтилмоқда. Трансфер нархи 60 миллион евро атрофида бўлиши мумкин.

Гарначо жорий мавсумда "Манчестер Юнайтед" сафида 32 та ўйинда майдонга тушиб, 8 та гол урди ва 6 та голли узатмани амалга оширди.