Ўнг қанот ҳимоячиси "Реал Мадрид" учун энг муаммоли позициялардан бири бўлиб қолмоқда. Чоршанба куни "қаймоқранглилар" Чемпионлар лигаси доирасида ўз уйида Австриянинг "Ред Булл Залцбург" жамоасини қабул қилади.

Даниэль Карвахаль октабрь ойида жароҳат олган тикланишда давом этмоқда, унинг ўрнини босувчи Лукас Васкес эса дисквалификация туфайли ўйинни ўтказиб юборади.

Relevo хабарига кўра, "Реал" бош мураббийи Карло Анчелотти ўнг қанот ҳимоячисини Федерико Вальвердега ишониб топширишни режалаштирмоқда. Уругвайлик ярим ҳимоячи аввал ҳам фавқулодда вазиятларда ушбу лавозимни эгаллаган.