"Бавария" ярим ҳимоячиси Жошуа Киммих Туманли Албионга ўтиши мумкин. Todofichajes хабарига кўра, "Ливерпуль" 29 ёшли футболчини ўз сафига қўшиб олмоқчи.
Англия гигантлари Киммих вакиллари билан дастлабки музокараларни бошлаб юборишди. "Қизиллар" Жошуани текинга олиши мумкин, чунки унинг "Бавария" билан амалдаги шартномаси июн ойи охирида тугайди.
Ярим ҳимоячи 2015 йилдан бери немис гранди сафида тўп тепмоқда. Германия чемпионатининг жорий мавсумида ярим ҳимоячи 18та учрашувда иштирок этган. Киммих битта гол урди, учта голли узатмани амалга оширди.
