"Барселона" бош мураббийи Ханс-Дитер Флик "Бенфика" билан УЕФА Чемпионлар лигасининг 7-тур учрашуви арафасида ҳозирда "Ливерпул"нинг ўйинидан қойил қолганини айтди.
– Бруну Лаже ("Бенфика" бош мураббийи) "Барселона"ни Чемпионлар лигасининг фаворити деб ҳисоблайди.
- Унинг ҳақ ёки ноҳақлигини келажак кўрсатади. Албатта, бу бизнинг мақсадларимиздан биридир. Бу ғалаба қозониш учун энг қийин мусобақалардан биридир.
Мен ҳозир "Ливерпул"ни томоша қиляпман ва ҳар бир ўйинда улар жуда яхши ўйнайди, ажойиб иш қилади. Айни дамда улар менинг севимли жамоаларимдан бири" - деди Флик.
6 турдан кейин "Ливерпуль" Чемпионлар лигасининг асосий босқичидаги 36 иштирокчи ичида 6 та ўйинда ғалаба қозонган ягона жамоа бўлди. "Мерсисайдликлар" турнир жадвалида якка пешқадамлик қилмоқда.
