Ўзбекистон терма жамоасига Тимур Кападзе бош мураббий бўлиши кутилмоқда. Бу ҳақда Daryo.uz интернет нашри маълум қилди.
Таъкидланишича, мураббий билан аллақачон келишувга эришилган. Яқин кунларда мураббий расман тайинланади ва жамоа йиғинига қўшилади.
Маълумот учун, бугун, 22 январ куни Сречко Катанец соғлиғи билан боғлиқ муаммолар сабабли Ўзбекистон футбол ассоциацияси билан тузилган шартномани ўзаро розилик билан бекор қилишга қарор қилгани хабар қилинганди.