Мадриднинг "Реал" клуби ҳужумчиси Винисиус Жуниор Чемпионлар лигаси умумий босқичи 7-турида Австриянинг "Ред Булл Зальцбург" клуби устидан қозонилган ғалабадан сўнг ўз фикрларини билдириб ўтди.
"Қироллик клуби" баҳсда 5:1 ҳисобида ғалаба қозонди, бразилиялик иккита гол урди.
"Учрашувнинг энг яхши футболчиси сифатида танланганимдан хурсандман. Лекин Беллингем ва Родригони ҳам эслатиб ўтмоқчиман, улар жуда яхши ўйнашди. Энг муҳими, ғалаба қозона олдик. Биз худди шу йўналишда давом этишимиз керак", - деди суперюлдуз УЕФА расмий сайтига.













