"Барселона" дарвозабони Войцех Шесни жамоа бош мураббийи Ханс-Дитер Фликнинг ўйин тамойиллари ҳақида ўз фикрлари билан ўртоқлашди.
"Ҳеч қачон бундай баланд ҳимоя чизиғи билан ўйнамаганман. "Арсенал"да Венгер дарвозабондан кўп нарсани талаб қиларди, аммо каталонияда футболчилар мендан жуда узоқда ўйнашмоқда. Бу ҳатто 34 ёшда сиз ҳали ҳам ўрганишингиз мумкин бўлган ажойиб тажриба", - деди Шесни Barca Universal билан суҳбатда.
Эслатиб ўтамиз, 34 ёшли польшалик посбон 2024 йилнинг октябрь ойи бошида "Барселона"га ўтган эди. Бу вақт ичида у тўртта учрашувда қатнашиб, бешта гол ўтказиб юборди ва икки марта ўз дарвозаси даҳлсизлигини сақлаб қолишга муваффақ бўлди. Шеснининг каталонияликлар билан тузган меҳнат шартномаси шу йилнинг 30 июнига қадар тузилган.













