“Манчестер Юнайтед” сардори Бруно Фернандеш Европа лигаси доирасида Шотландиянинг “Рейнжерс” клуби устидан қозонилган ғалабадан кейин (2:1) ўз фикрларини билдириб ўтди.
Португалиялик ярим ҳимоячининг аниқ зарбаси 92-дақиқада “қизил иблислар”га ғалаба келтирди. “Мухлислар учун ғалабалар қанчалик муҳимлигини биламиз. Йил "Ливерпуль" ва "Арсенал"га қарши ажойиб ўйинлар билан бошланди, кейин "Саутгемптон"ни мағлуб этдик.
Шундан сўнг биз "Брайтон"га ютқаздик, бу бизга ҳеч қандай фойда келтирмади. Бу клубда ҳар бир учрашувда ғалаба қозониш керак.
Биламизки, ғалабаларсиз бизга қийин кунлар бўлади. Умид қиламанки, мухлисларимиз ҳеч қачон мағлубиятни қабул қилмайди ва ғалаба қозонишимизга ишонишда давом этадилар", деди Фернандеш.
