"Sky Sport" журналисти Флориан Плеттенбергнинг ёзишича, Нико Ковач Дортмунднинг "Боруссия" клубини бошқаришга тайёр.
Кеча, 23 январь куни 53 ёшли мутахассис клуб раҳбарияти билан дастлабки музокараларни ўтказди. Ковач мавсум охиригача шартнома имзоламоқчи, уни яна бир ёки икки мавсумга узайтириш имконияти мавжуд. Бироқ бу вариант "Боруссия Д"га унчалик тўғри келмайди.
Ковачнинг сўнгги иш жойи "Вольфсбург" бўлган. Бунгача у "Монако", "Бавария", "Айнтрахт" ва Хорватия терма жамоасида ишлаган.
"Боруссия Д" томонидан кўриб чиқилаётган яна бир вариант - "Унион" бош мураббийи Урс Фишер.
