Италия чемпионати 22-турининг асосий ўйинида “Наполи” Туриннинг “Ювентус” клубидан ғалабани тортиб олди, неаполликлар устози Антонио Конте эса бундан мамнунлигини, шунингдек, асосий рақибларини бироз менсимаслигини яширмаяпти.
У роппа-роса бир йил аввал “Наполи” қаерда бўлганини жамоатчиликка эслатиб ўтди:
"Ўтган йили биз “Интер”, “Ювентус” ва “Милан”, шунингдек, “Аталанта”дан ортда эдик, бу йил эса улар биздан ортда қолишди.
"Ювентус", "Милан" ёки "Интер" бўлсанг, ғалаба қозонишинг керак, ҳеч қандай баҳона йўқ. Аммо бу ҳозир содир бўлмаяпти", - дея италиялик мураббийнинг сўзларини келтиради calcionapoli1926.it нашри.
