Килиан Мбаппе "Вальядолид" дарвозасига гол уриб, рекорд ўрнатди.
Мадриднинг "Реал" клуби ҳужумчиси Ла Лиганинг 21-турининг 30-дақиқасида Жуд Беллингемнинг узатмасини қабул қилиб, ҳисобни очди. Ўйин якунига қадар у яна 2 бор рақиб дарвозасини ишғол қилди.
Мбаппе топ-лигада кетма-кет тўққиз мавсумда камида 20 та гол урган биринчи француз футболчисига айланди.
Килиан яна ҳозирда энг кучли бешта лига тарихидаги энг яхши француз тўпурарлари рўйхатида 8-ўринни бўлишиб турибди. Унинг ҳисобида 205 та гол бор, худди Александр Ляказетт каби. Карим Бензема 281 та гол билан пешқадамлик қилмоқда.
