"Манчестер Юнайтед" ҳужумчиси Этан Уитли ижара асосида "Уолсолл"га кўчиб ўтди. Томонлар ўртасидаги меҳнат шартномаси муддати жорий мавсум охиригача ҳисобланади. Бу ҳақда манкунианликлар матбуот хизмати хабар берди.
Ўтган баҳорда Уитли "Қизил иблислар" академияси тарбияланувчиси бўлиб, асосий жамоада ўйнаган 250-чи бўлди. У АПЛ доирасида "Шеффилд Юнайтед"га қарши уй учрашувида иштирок этди. Ўшандан бери Этан асосий жамоа сафида яна 3 та ўйин ўтказди.













