Бирмингемнинг "Астон Вилла" клуби ҳужумчиси Жон Дуран фаолиятини Саудия Арабистони чемпионатида давом эттириш имкониятига эга. El Nacional хабарига кўра, колумбиялик футболчининг трансферига 39 ёшли португалиялик Криштиану Роналду тўп тепаётган "Ан-Наср" клуби қизиқмоқда.
Клуб раҳбарияти Дуранни сотиб олиш учун 80 миллион евро ажратишга тайёр. Жон афсонавий португалиялик билан бир жамоада ўйнаш таклифини қабул қилиши мумкин.
Колумбиялик футболчи жорий мавсум "Астон Вилла"да 28 та ўйинда майдонга тушди. Ҳужумчи 12 та гол урди. Transfermarkt Дюраннинг бозор нархини 40 миллион еврога баҳоламоқда.
