"Манчестер Сити"нинг ҳужумкор ярим ҳимоячиси Жеймс Макэйти Леверкузеннинг "Байер" клубининг радарида.
Бу ҳақда Sky News хабар берди. Манбага кўра, немис клуби 22 ёшли футболчини 25 миллион еврога сотиб олиш опцияси билан "шаҳарликлар"дан ижарага олмоқчи.
Бироқ, вазият “Манчестер Сити”да ижарага берилган футболчиларнинг максимал сонига эга эканлиги билан мураккаблашди, дея таъкидлайди манба.
Эслатиб ўтамиз, ФИФА регламентига кўра, клуб бир вақтнинг ўзида кўпи билан олти нафар футболчини ижарага бериши мумкин.