"Челси"нинг франциялик ҳужумкор ярим ҳимоячиси Кристофер Нкунку фаолиятини қайси клубда давом эттириш ниятида эканлиги борасида бир қарорга келди. Бу ҳақда «CaughtOffside» хабар берди.
Шу тариқа, манбанинг хабарига кўра, футболчи "Манчестер Юнайтед"га ўтмоқчи. Аввалроқ "қизил иблислар" ва "Бавария" футболчи борасида музокаралар олиб бораётгани ҳақида хабар берилганди.
Кристофер Нкунку 2023 йилда "Челси"га ўтган эди. Франциялик футболчи инглиз гранди сафида 43 та ўйин ўтказиб, 16 та гол урди ва 4 та голли узатмани амалга оширди. «Transfermarkt» Нкункуни 50 миллион еврога баҳоламоқда.