"Барселона" бош мураббийи Ханс-Дитер Флик ярим ҳимоячи Френки де Йонгнинг жамоадаги келажаги ҳақидаги саволга жавоб берди.
"Мен ҳозир нима бўлаётганига эътиборимни қаратганман, қолгани Декунинг иши. Де Йонг ўз ишини қилиши керак ва мен унинг ўйинидан мамнунман. Сиз буни сўнгги бир неча ўйинда кўрган бўлсангиз, у жуда яхши кўринди", - деди Флик Barca Universal билан суҳбатда.
Жорий мавсумда 27 ёшли нидерландиялик футболчи барча турнирларни инобатга олган ҳолда 19та ўйинда иштирок этиб, 2та гол урди ва битта голли узатмани амалга оширди. Де Йонгнинг "Барселона" билан шартномаси 2029 йилнинг ёзига қадар амал қилади. Transfermarkt ярим ҳимоячининг нархини 45 миллион еврога баҳоламоқда.
