"Наполи" ПСВ билан Ноа Лангни сотиб олиш борасида музокаралар олиб бормоқда.
Нидерландиянинг Telegraaf газетаси Неаполь клуби жуда жиддий эканлигини ва Ноа Ланг учун ПСВга 25 миллион евро таклиф қилганини ёзди. Ҳужумчи А Серия клубига ўтмоқчи. Аммо "қизил-оқлар" ўз футболчисини трансфер ойнаси ёпилгунча қўйиб юборишни истамаяпти. Клублар ўртасида музокаралар давом этмоқда.
Ноа Ланг жорий мавсумда ПСВ сафида барча турнирларда 26 та ўйин ўтказиб, 6 та гол урди ва 8 та голли узатмани амалга оширди.