"Реал Мадрид" бош мураббийи Карло Анчелотти жамоанинг "Брест"га (3:0) қарши ўйиндаги иштироки ҳақида ўз таассуротлари билан ўртоқлашди.
Чемпионлар лигаси умумий босқичининг сўнгги турида Родригонинг дубли “қаймоқранглилар”га йирик ғалаба келтирган бўлса, Жуд Беллингем ҳам гол урди.
"Биз ихчамроқ ва самаралироқ ўйнашга муваффақ бўлдик. Жамоа яхши ҳолатда, худди шу руҳда давом этишимиз керак.
Таркибда ўзгаришлар қиляпмиз, чунки ҳамма ўз ҳиссасини қўшиши мумкин. Бизда ажойиб футболчилар бор, бундан унумли фойдаланишимиз керак.
Бугун ҳужумда ҳам, ҳимояда ҳам яхши ўйнадик", - деди Анчелотти матбуот анжуманида.
