Хабарингиз бор, 1-2-февраль кунлари Франция пойтахти Париж шаҳрида “Катта Дубулға” туркумига кирувчи 2025-йилнинг илк мусобақаси ўтказилади.
Мукофот жамғармаси 154 000 еврони ташкил этувчи ушбу турнирда уч нафар дзюдочимиз ўз маҳоратини намойиш этади.
Сўнгги Олимпиада манзили татамиларида Баҳром Ботуров (-60 кг), Шаҳрам Аҳадов (-73 кг) ва Ўткирбек Тўрабоев (+100 кг) медаллар учун баҳс олиб боради.
Ўзбекистон дзюдо федерациясида Искандар Расулов мураббийлигида сафарга отланаётган дзюдочиларимиз билан давра суҳбати бўлиб ўтди. Федерация Бош котиби Азиз Собиров ҳамда федерация раиси маслаҳатчиси Ксеня Гулямова терма жамоамиз аъзоларига Париж турнирида ғалаба ва омад ёр бўлишини тилашди.
Ўз ўрнида дзюдочиларимиз нуфузли мусобақада билдирилган ишончни оқлаш учун астойдил ҳаракат қилишларини айтишди.
