Марокашлик вингер Ҳаким Зиеш фаолиятини Яқин Шарқда давом эттиради. Қатарнинг "Ал-Дуҳайл" клуби матбуот хизмати ҳужумкор футболчи клубга эркин агент сифатида келиб қўшилганини маълум қилди.
Шартнома тафсилотлари ҳозирча ошкор этилмаган.
Эслатиб ўтамиз, пайшанба куни Зиеш расман Истанбулнинг "Галатасарой" жамоаси сафини тарк этган эди. У бу клубда сўнгги бир ярим йил ўйнади. Жорий мавсумда у "шерлар" сафида бор йўғи 11 та ўйинда майдонга тушиб, клубни тарк этиш истагини қайта-қайта таъкидлаган.