Алекс Баэна Саудия Арабистонига ўтишни рад этди.
Олдинроқ "Ал-Аҳли" "Вильярреал" вингерини 60 миллион еврога сотиб олишга тайёр экани маълум бўлганди. Келишув футболчининг қарорига боғлиқ эди.
«Relevo» хабарига кўра, 23 ёшли испаниялик Саудия клубини рад этган. Бундай қарорга келишининг сабабларидан бири Баэнанинг трансфер ойнаси очилиши олдидан "Вильярреал" президенти Фернандо Рочага берган вадаси бўлди: футболчи қишда жамоани тарк этмаслигига сўз берди.
Қайд этилишича, "Ал-Аҳли" Алексга йилига 18 миллион евро маош таклиф қилган. Бироқ футболчи ҳозирги клубини тушкунликка туширишни истамади.