"Ливерпуль" марказий ҳимоячи Виржил ван Дейк билан ҳамкорликни давом эттиришга умид қилмоқда.
33 ёшли "қизиллар" сардорининг амалдаги шартномаси 6 ойдан камроқ вақт ичида тугайди.
Томонлар янги меҳнат шартномаси шартларини ҳалигача келишиб олишмаган, бироқ журналист Пол Жойснинг хабар беришича, клуб нидерландиялик футболчининг кейинги бир неча йил ичида қолишига ва энг юқори савияда ўйнашда давом этишига ишончи комил.
Виржил ван Дейк жорий мавсумда Арне Слот шогирдлари сафида барча турнирларда 30 та ўйинда майдонга тушиб, 2 та гол урди ва битта голли узатмани амалга оширди.
