Give me Sport портали таҳлилчилари жаҳон футболидаги энг яхши бразилияликлар рейтингини тақдим этди. Унда биринчи ўринни афсонавий ҳужумчи Пеле эгаллади. У уч карра жаҳон чемпиони ҳисобланади.
Иккинчи ўринда Миланнинг "Интер" ва Мадриднинг "Реал" клубларининг собиқ ҳужумчиси Роналдо жойлашган. Гарринча футбол тарихидаги энг яхши 3 нафар бразилиялик рўйхатини якунлади.
Give me Sport рейтингининг кучли ўнлигига, шунингдек, Роналдиньо, Ривалдо, Ромарио, Неймар, Зико, Дида ва Жаирзиньо ҳам кирди. Санаб ўтганлардан фақат Неймар фаолиятини давом эттирмоқда. Юлдуз форвард яқинда Бразилиянинг "Сантос" клубига қайтди.
