"Манчестер Сити" бош мураббийи Пеп Гвардиола АПЛнинг 24-туридан ўрин олган жамоаларнинг ўзаро ўйини олдидан Лондоннинг "Арсенал" клуби бош мураббийи Микель Артета билан муносабатлари ҳақида гапирди.
"Бизда ажойиб муносабатлар мавжуд. Охирги пайтларда ўз ишимиз билан банд бўлганимиз учун алоқага чиқмадик. Аммо ҳурматга келсак, у ҳар доим ўртамизда бўлади", - дейди мутахассис.
"Арсенал" - "Манчестер Сити" учрашуви эртага, 2 февраль куни Лондондаги стадионда бўлиб ўтади. Учрашув Тошкент вақти билан соат 21:30да бошланиши режалаштирилган. Учрашув олдидан "канонирлар" турнир жадвалида иккинчи, "шаҳарликлар" эса тўртинчи ўринда бормоқда.
