"Барселона" бош мураббийи Ханс-Дитер Флик Чемпионлар лигасининг умумий босқичида жамоанинг кучли 8 таликка кириши ҳақида гапирди. Шу туфайли каталонияликлар дарҳол турнирнинг 1/8 финалига йўл олишди.
"Айтиб ўтганимдек, биринчи 8 таликка кириш муҳим эди. Бу осон эмасди. Биз футболчиларга дам беришимиз мумкин, бизда машғулотлар учун кўпроқ кунлар бўлади, айниқса биринчи ҳафтада. Бу ижобий бўлади, бу яхши.
"Реал" топ-8 га кирмадими? Мен фақат ўз жамоам ҳақида гапиряпман. Биз учун икки ҳафта ўртасида ўйин бўлмаслиги ижобий бўлади," - деди Флик матбуот анжуманида.
