Мадриднинг "Реал" жамоаси жароҳатлардан азоб чекишда давом этмоқда, шанба оқшомида мадридликлар ҳимоячиси Антонио Рюдигерни йўқотди. Мадрид клуби аллақачон баёнот бериб, 31 ёшли футболчининг ташхисини эълон қилган. Шу билан бирга, "қаймоқранглилар" ҳар доимгидек жароҳат олган футболчининг тикланиш вақти ҳақида ҳеч нарса дейишмади.

Журналист Аранча Родригес ижтимоий тармоқларда ёзганидек, Рюдигерга тикланиш учун 20 кун керак бўлади. Шу боис немис футболчиси Чемпионлар лигаси плей-офф босқичида "Манчестер Сити"га қарши иккала ўйинни ҳам ўтказиб юбориши мумкин. Албатта, бу Карло Анчелотти ва барча "Реал Мадрид" мухлислари учун ёмон хабар.