Нидерландиянинг Вейк-ан-Зее шаҳрида 17 январдан 2 февралгача бўлиб ўтган Tata Steel Chess 2025 мусобақаси якунланди. Бу йилги турнирда дунёнинг етакчи гроссмейстерлари иштирок этишди ва мусобақа юқори даражадаги партиялар билан ёдда қолди.

Мастерлар турнири натижалари:

"Мастерс" турнирида икки ҳиндистонлик шахматчи — Гукеш Доммаражу ва Прагнанандха Рамешбабу 8,5 очкодан тўплашди. Ғолибни аниқлаш мақсадида ўтказилган "тай-брек" баҳсларида эса омад Прагнанандхага кулиб боқди.

Нодирбек Абдусатторов эса 8,0 очко билан турнирда учинчи ўринни қўлга киритди.

Челленжерс турнири натижалари:

Челленжерлар турнирида Тай Дай Ван Нгуен 9,5 очко билан биринчи ўринни эгаллади. Унинг бу муваффақияти келгуси йилги "Мастерс" турнирида иштирок этиш ҳуқуқини беради. Нодирбек Ёқуббоев 8,0 очко билан 4-ўринни эгаллади.