"Лейпциг" Франция U-18 терма жамоаси вингери билан шартнома имзолади.

Тидьям Гомис немис клубига ўтди. 18 ёшли футболчи билан 2029 йилгача мўлжалланган шартнома имзоланган. Футболчи янги клубида 27-рақамни танлади.

Журналист Филипп Хинзенинг сўзларига кўра, "Кан" трансфердан тахминан 1 миллион евро олади. Аввалига Гомис келаси ёзда эркин агент сифатида трансфер қилиниши режалаштирилган эди, аммо охир-оқибат шартномани ҳозир якунлашга қарор қилинди. "Милан" ва "Астон Вилла" футболчини тортиб олишга ҳаракат қилишди.

Жорий мавсумда Тидьям Франция иккинчи лигасида 20 та ўйин ўтказиб, 2 та гол урди.