Петар Сучич "Интер"га ўтади.
Милан клуби Загребнинг "Динамо" клуби билан 21 ёшли ярим ҳимоячининг трансфери бўйича келишувга эришди, деб хабар беради Жанлука Ди Марцио.
"Нерадзуррилар"га трансфер 14 миллион еврога тушади, 2,5 миллион евро бонус тўловлари ҳам ўз ичига олади. Бундан ташқари, хорватлар футболчини қайта сотишдан тушган фойданинг 10 фоизини олади.
Ярим ҳимоячи яқин кунларда тиббий кўрикдан ўтади ва 5 йиллик шартнома имзолайди.
Хорватия чемпионатининг жорий мавсумида Сучич 12 та ўйин ўтказиб, 1 та гол ва 1 та голли узатмага муаллифлик қилган.
