"Милан" бош мураббийи Серхио Консейсау Италия кубоги доирасида "Рома" устидан қозонилган ғалабадан сўнг (3:1) журналистлар саволларига жавоб берди.
“Россонерилар” Тэмми Абрахамнинг дубли ва дебютант Жоау Феликснинг голи эвазига ярим финал йўлланмасини қўлга киритди.
"Мен жамоага керакли деб ўйлаган нарсаларни етказишга ҳаракат қиламан, аммо бизда ортиқча вақт йўқ, чунки ўйинлар ҳар уч кунда ўтказилади.
Шунга қарамай, футболчилар менинг талабларимни тушунишади, улар ақлли ва иккинчи голимиз мени айниқса қувонтирди.
Айнан шу нарса устида ишлаган эдик. Биз индивидуал ва жамоавий ривожланишда давом этишимиз керак", - дея Консейсаунинг сўзларини келтиради Football Italia.
